har shaam tujhse milne ki aadat si hogayi
phr rafta rafta tujhse muhabbat si hogayi
shayad ye taaza taaza judai ka tha asar
har shakal yaka yak teri soorat si hogayi
ik naam jhilmilane laga dil k taaq per
ik yaad jaise bayis e rahat si hogayi
khud ko saja sanwaar ker rakhne ka shauk tha
phr apne aap se mujhe wehshat si hogayi
meine koi bayaan e safai bhi na diya
bas chup rahi tu khud hi wazahat si hogayi
—————————-
ab agar aao tu jane k liye mat aana
sirf ehsaan jatane k liye mat aana
meine palkon pe tamanayen saja rakhi hein
dil mein umeed ki shammein jala rakhi hein
pyar ki aag mein zanjeer pighal sakti hai
chahne walon ki takdeer badal sakti hai
tum ho bebas ye batane k liye mat aana
ab tum aana jo tumhe mujse muhabbat hai koi
mujse milne ki agar tumko bhi chahat hai koi
tum koi rasm nibhane k liye mat aana
ab agar aao tu janey k liye mat aana
—————————–
ab teri yaad se wehshat nai hoti mujhko
zakhm khulte hein aziyat nai hoti mujhko
ab koi aaye chala jaye mein khush rehta hon
ab kisi shaks ki aadat nai hoti mujhko
aisa badla hoon tere shehar ka pani pe ker
jhoot bolon tu nadamat nai hoti mujhko
hai amanat mein khayanat so kisi ki khatir
koi marta hai tu hairat nai hoti mujhko
itna masroof ho0n jeene ki hawas mein Mohsin
sans lene ki bhi fursat nai hoti mujhko
——————————-
tujhe hum yaad kerte hein KHuda k naam ke baad
kabhi subah se pehle tu kabhi shaam ke baad
dil ki dewaaroon pe tera naam likhte hein
kabhi fursat mein tu kabhi kaam ke baad
mere marne ke baad bhi log tujhe pukarein gay
kabhi mere naam se pehle tu kabhi mere naam ke baad
——————————-
meri zindagi ki kitaab tum … mere har sawaal ka jawab tum
mein tumhe parhongi tamaam umer..meri hayaat ka nisaab tum
meri har dua tumhare liye…meri ibadatoon ka sawaab tum
mein sara din tumhi mein magan..meri har raat ka khuwab tum
likhon aur kia mein tumhari zaat per…meri zindagi ka rubab tum
——————————-
wo shaks khizan rut mein bhi muhtaat hai kitna
sokhe huey pattoon ko bikherne nahi deta
bichrey tu ajab pyaar jatata hai khaton mein
mil jaye tu phr had se guzarne nahi deta
mein usko manaoon ke ghum e dahar mein uljhon
MOhsin wo mujhe kuch bhi tu kerne nahi deta
——————————–
kisi ki zulfo0n k hisaar mein hai .. dil kahan mere ikhtiyaar mein hai
aaj kaise pukara hai usne … lagta hai wo kisi azaar mein hai
aitzaar,anso0o, karb e musalsal..aur rakha hi kya is pyar mein hai
yaad rahega taa umar wahaj .. zakham mila jo bahaar mein hai
——————————–
dard bhatakte hein armaan ki tarah
har koi milta hai anjaan ki tarah
is duniya se khushi ki kai aas rakhna
yaha tu ghum bhi dete hein ehsaan ki tarah
—————————–
yaado0n mein hamari w0 bhi khoye ho0ngay
khuli ankho0n se kabhi wo bhi soye ho0ngay
mana hansna hai ada ghum chupane ki
per hanste hanste kabhi wo bhi roye ho0ngay
—————————–
kiya hai pyar jisay humne zindagi ki tarah
wo aashna bhi mila humse ajnabi ki tarah
barha ke pyaas meri usne haath chordiya
wo ker raha tha murawwat bhi dil lagi ki tarah
sitam tu ye hai k w0 bhi na ban saka apna
qabo0l humne kiye jiske ghum khushi ki tarah
kabhi na s0cha tha Qateel humne uske liye
keray humpe sitam wo bhi har kisi ki tarah
—————————–
ajeeb rang mein guzri hai zindagi apni
dilo0n pe raaj kiya aur pyar k0 tarse
—————————–
humein ye gumaan ke chaha hamein zamane ne
azeez tu they sab k0 magar zarurat0on ki tarah
—————————–
mana ke bho0lna hamari aadat hi sahi
magar aapk0 bho0l jana mere bas mein nai
dil chahey tu aazma ke dekhl0 hamein
hum bho0lna bho0l jayengay per aapk0 nai
—————————–
Aansuon aankh ki dehleez pe aaya na karo
ghar ke haalaat zamaane ko bataya na karo…
log muthhi meiN namak le ke phira kerte haiN….
zakhm tum apne kisi ko bhi dikhaya na karo…
saaNp KHushbu ke ahaate meiN basa kerte haiN….
phool ke peRoN ko aangan meiN lagaya na karo…
haathh aaye usi lumhe ko GHaneemat jano….
apni palkoN pe koi KHwab sajaaya na karo…
yaas ki tapti hui ret meiN jalne do mujhe
aas ke badlo sir pe mere aaya na karo…
aaj ke daur ka paigham yahi hai taalib…
koi gir jaaye to bhoole se uthhaya na karo…
—————————-
ajab pagal si larki hai……..mujhe har khat mein likhti hai
mujhe tum yaad kerte h0……..tumhe mein yaad aati ho0n
meri batein satati hein …….meri neendain jagati hein?
meri ankhein rulati hein?
december ki sunehri dho0p mein ab bhi tehaltey h0?
kisi kham0sh rastey se koi awwaaz aati hai?
titharti sard raato0n mein tum ab bhi chat pe tehalte h0?
falak ke sab sitaro0n ko meri baatein sunate h0?
kitabo0n se tumhare ishq mein koi kami ayi?
ya meri yaad ki shiddat se ankho0n mein nami ayi?
ajab pagal si larki hai….mujhe har khat mein likhti hai
jawaban usk0 likhta ho0n….meri masro0fiyat dekh0
sehar se shaam office mein charagh e umar jalta hai
phir uske baad duniya ki kayi majbo0riyan paon mein beeri daal rakhti hein
mujhe be fiker chahat se bharey sapney nai dikhte
tehaltey jaagte r0ney ki fursat hi nahi milti
sitaro0n se mile arsa hua naraz hein shayad
kitabo0n se shugaf mera abhi waise hi qaim hai
bas ab itna hua hai mein unhe arsey mein parhta ho0n
tumhein kisne kaha pagli tumhe mein yaad kerta ho0n?
ke mein khud k0 bhulaney ki musalsal justujo0 mein ho0n
tumhe na yaad aaney ki musalsal justujo0 mein ho0n
magar ye justujo0 meri bh0t nakaam rehti hai
mere din raat mein ab bhi tumhari shaam rehti hai
mere lafzo0n ki har maala tumhare naam rehti hai
tumhein kisne kaha pagli mujhe tum yaad aati h0?
purani baat hai j0 log aksar gungunate hein
unhein hum yaad kerte hein jinhein hum bho0l jate hein
ajab pagal si larki h0…..meri masro0fiyat dekho
tumhein dil se bhula0n tu tumhari yaad aye na
tumhe dil se bhulaney ki mujhe fursat nai milti
aur is masro0f jeevan mein….tumhare khat ka ik jumla
tumhein mein yaad ati ho0n?
meri chahat ki shiddat mein kami h0ne nai deta
bh0t raatein jagata hai mujhe so0nay nai deta
s0 agli baar apne khat mein ye jumla nai likhna
ajab pagal si larki hai….mujhe phr bhi ye kehti hai
mujhe tum yaad kerte h0…tumhe mein yaad ati ho0n?
————————-
Wafa ke wade woh sare bhula gaya chuap chap
Woh mere dil ki deewarain hila gaya chup chap
Ghum-e- hayat ke taqte hoye bayaban mein
Humain woh chor ke tanha chala gaya chup chap
Najane kaun sa woh badnaseeb lamha tha
Jo ghum ki agg mein mujh ko jala gaya chup chap
Mein jis ko chuti hoan Faryal woh zaqm dayta hai
Woh phool aysy chaman mein khila gaya chup chap
Wafa ke wade woh sare bhula gaya chup chap
Woh mere dil ki deewarain hila gaya chup chap
————————————-
main aisi mohabbat kartee hoon
tum kaisi mohabbat kartay ho
tum jahan pe bayth k jate ho
main waheen pe bethi rehti hoon
us cheez ko chooti rehti hoon
main aisi mohabbt karti hoon
tum jis se huns k milte ho
main us ko dost banati hoon
tum jis rustay par chaltay ho
main us say aati jati hoon
main aisi mohabbat karti hoon
tum kaisi mohabbat kartay ho
tum jin ko daykhtay rehtay ho
wo khuwab….sarhanay rakhti hoon
tum say milnay julnay k
kitnay hi bahanay rakhti hoon
main aisi mohabbat karti hoon
tum kaisi mohabbat kartay ho
jin logon main tum rehtay ho
tum jin say batain kartay ho
tum jin say huns k miltay ho
jo tum ko achay lagtay hoon
wohi mujh ko achy lagtay hain
main aisi mohabbat karti hoon
tum kaisi mohabbat kartay ho
jis bagh main subh ko jatay ho
jis sabzay par tum chaltay ho
jo shakh tumhain choo jati hay
jo khushboo…tum ko bhati hay
wo os tumharay chehray par
jo qatra qatra girti hai
wo titli chor k phoolon ko
jo tum say milnay aati hai
jo tum ko choonay aati hay
un sab k nazuk jazbon main
meray dil ki dharkan basti hai
miri rooh bhi shamil rehti hai
tum paas raho ya door raho
nazron main samai rehtay ho
main tum ko takti rehti hoon
main tum ko sochti rehti hoon
main aisi mohabbat karti hoon
tum kaisi mohabbat kartay ho
her moqay par her manzar main
main sath tumharay rehti hoon
main chashm-e-tasavvur main aksar
bus tum ko dekhti rehti hoon
bus tum ko sochti rehti hoon
main aisi mohabbat karti hoon
tum kaisi mohabbat kartay ho
————————-
pighal pathar bhi sakte hein…ulat dariya bhi sakta hai
koi awara sa panchi palat ker aa bhi sakta hai
j0 shab ke mujh pe hansti thi…wohi shab ro bhi sakti hai
muhabbat ho bhi sakti hai
————————
taruf rog ban jaye tu usay bhulana behtar
talluq rog ban jaye tu usay torna behtar
wo afsana jisay anjaam tak lana ho na mumkin
usay aik kho0bsurat mor deker ch0rna behtar
———————–
zakhm dene ka andaaz kuch aisa hai
zakhm deker pochte hein ab haal kesa hai
kisi aik se gila kia kerna yaaro0n
sari duniya ka hi mizaaj aik jaisa hai
———————-
Na dushmani achi lagi na dosti achi lagi,
Hum ko tou us shakhs ki berukhi achi lagi
Log the is sheher ke saaray hi khush mizaaj,
Dil ko lekin aik teri sanjeedgi achi lagi
Main ne apnay rub say phir maanga usi ko umer bhar,
Jis ki aankho ki mujhe darya dili achi lagi
Bas ana pe naaz tha jis ko na shab bar so saka,
Lamha lamha uski barhtibe basi achi lagi
chain aik pal main hi us ke bechar janay kay baad,
Mujh ko apnay hijr ki aik aik ghari achi lagi
Mere daman main raha kuch bhi nahi magar,
Woh rahay khush yeh soch kar zindagi achi lagi.
——————–
Hazaron dukh pare sehna, mohabbat mar nahi sakti
hai tum se bus yehi kehna, mohabbat mar nahi sakti
tera mere har khat ko parhna aur ro dena
mera har baar likh dena, mohabbat mar nahi sakti
kiya tha hum ne campus ki nadi pe ek haseen wada
bhale humko pare marna, mohabbat mar nahi sakti
jahan main jab tak panchi chehakte urte phirte hain
hai jab tak phool ka khilna, mohabbat mar nahi sakti
purane ahad ko jab zinda karne ka khayal aaye
mujhe bas itna likh dena, mohabbat mar nahi sakti
woh tera hijr ki shab phone rakhe se zara pehle
buhat rote huye kehna, mohabbat mar nahi sakti
agar hum hasraton ki qabr mein hi dafan ho jain
tu yeh qutbon pe likh dena, mohabbat mar nahi sakti
puraane raabton ko phir naye wade ki khwaish hai
zara ik baar tu kehna, mohabbat mar nahi sakti
gaye lamhaat fursat ke kahan se dhoond kar laoon
wo pehron haath pe likhna, mohabbat mar nahi sakti…
——————-
jaate jaate vo mujhe achchhi nishaani de gayaa
umr bhar dohraaoongaa aisi kahaani de gayaa
us se main kuchh paa sakoon aisi kahaan ummeed thi
Gham bhi vo shaayad baraaye meharbaani de gayaa
umr bhar dohraaoongaa aisi kahaani de gayaa
jaate jaate vo mujhe achchhi nishaani de gayaa
sab havaayen le gayaa mere samandar ki koi
aur mujhko ek kashti baadbaani de gayaa
umr bhar dohraaoongaa aisi kahaani de gayaa
jaate jaate vo mujhe achchhi nishaani de gayaa
Khair main pyaasaa rahaa, par usne itnaa to kiyaa
meri palkon ki qataaron ko vo paani de gayaa
umr bhar dohraaoongaa aisi kahaani de gayaa
jaate jaate vo mujhe achchhi nishaani de gayaa
—————-
mohabbat aisa naghma heh
zara b jhool ho le mein
to sur qaim nhi rehta
mohabbat aisa shola heh
hawa jaisi b chalti ho
kabhi madham nhi hota
mohabbat aisa rishta heh
k jis main bhandnay walon ko
dilon main ghum nahi hota
mohabbat aisa poda heh
jo tab b sabz rahta heh
k jab mousam nhi hota
mohabbat aisa daryia heh
k barish rooht bhi jaay
to pani kam nahi hota
—————-
Muhabbat jhoot lagti hay mujhay
ik khookhla jazba
jisay izhar ki her waqt khuwahish hoo
kahay janay ki
sunanay ki
jisay her pal zaroorat hoo
“Mujhay tum say Muhabbat hay”
na janay rooz kitnay loog
is jumlay ko sunnnay k liyay baidar hotay hain
ye aisa jhoot hay jis ka sehr
sadioo’n say tari hay
magar janaa’n
Muhabbat jab kabhi izhaar ko tersay
koi tum say ager kahday
Mujhay tum say Muhabbat hay”
to us ki baat mat sunnana
Muhabbat rooh say phootay
muhabbat aks ban jaye
to phir tum ko yaqee’n aye
k main nay sach kaha tum say
muhabbat rooh ban jaye
to phir us ka yaqee’n kerna
warna aik jumla koi kitni baar duhraaye
kahay jayee
nahi sunnuna
muhabbat jhoot hay janaa’n
ager izhaar ki is ko zaroorat ho….
—————
MOHABBAT OOS KI SURAT
Payasi pankhari kay hont ko sairab karti hay
Gulon ki aastinon man gungunati muskurati jagmagati hay
Mohabbat kay dinon man dasht bhi mehsus hota hay
Kisi firdous ki surat
Mohabbat oos ki surat
MOHABBAT ABR KI SURAT
Dilon ki sar zameen pah ghar keh aati hay or barsati hay
Chaman ka zara zara jhumta hay muskurata hay
Azal ki be namu matti man sabza sar uthata hay
Mohabbat un ko bhi aabad or shadab karti hay
Jo dil man qabr ki surat
Mohabbat abr ki surat
MOHABBAT AAG KI SURAT
Bujhay seenon man jalti hay to dil bedar hotay han
Mohabbat ki tapish man kuch ajab asrar hotay han
Keh jitna ya bharakti hay arus-e-jan mehakti hay
Dilon keh saahilon peh jama hoti hay or bikharti hay
Mohabbat jhag ki surat
Mohabbat aag ki surat
MOHABBAT KHUWAB KI SURAT
Nigahon ma utarti hay kisi mehtab ki surat
Sitaray aarzu kay is tarah say jagmagatay han
Keh pehchani nahi jati dil-e-betab ki surat
Mohabbat kay shajar par khuwab kay panchi utartay han
To shakhain jaag uthti han
Thakay haray sitaray jab zameen say baat kartay han
To kab ki muntazir aankhon man sham’an jaag uthti han
Mohabbat un man jalti hay charag-e-aab ki surat
Mohabbat khuwab ki surat
MOHABBAT DARD KI SURAT
Guzishta mosamon ka ista’ara ban kay rehti hay
Shaban-e-hijr man roshan sitara ban keh rehti hay
Mundairon peh charagon ki lo’in jab thar tharati han
Nagar man na umeedi ki hawain san sanati han
Gali man jab koi aahat koi saya nahi rehta
Ghamon kay bojh say jab tutnay lagtay han shanay to
Yeh un par haath rakhti hay
Kisi hamdard ki surat
Guzar jatay han saray qaflay jab dil ki basti say
Fiza man tairti hay dair tak
Yeh dard ki surat
Mohabbat dard ki surat
—————
kitni aziyat se mujhe usne bhulaya hoga
meri yaad ne usey khoob rulaya hoga
baat be baat jo aankh uski jhalki hogi
usne chehre ko baazuon mein chhupaya hoga
socha hoga usney din mein kai baar mujhe
naam hatheli pe bhi likh likh kar mitaya hoga
jahan usne mera zikr suna hoga kisi se
uski aankhon mein koi aansu to aaya hoga
raat ko bhi der tak neend na aayi hogi
usney takiye ko bhi seene se lagaya hoga
hoke nidhaal meri yadon se tune jana
meri tasveer se sar apna tikaya hoga
poochha hoga jo kisi ne teri halat ka sabab
tune baaton mein khoob ussey chhupaya hoga
jab kabhi chand ko dekha hoga akela tune
tujhe mera pyar bada yaad aaya hoga.
—————
silsilay jo wafa ke rakhte hein…..hausle inteha ke rakhte hein
hum kabhi bad dua nai dete….hum saleekay dua ke rakhte hein
unka daman bhi jalte dekha…jo daman bacha ke rakhte hein
hum nai hein shikast ke qayil….hum safeenay jala ke rakhte hein
jisko jana ho wo chala jaye…hum diye sab bujha ke rakhte hein
hum bhi kitne ajeeb hein janay….dard ko dil bana ke rakhte hein
————
ehsaas k dairey se wo nikalne nai deta….wo to0t ke mujhe bikharne nai deta
khush ho0n isi bat pe ke mein uske liye ho0n…kisi aur ka wo mujhe hone nai deta
———–
tamanna wo tamanna hai jo pori hojaye
jo mar ke bhi na pora ho wo armaan hota hai
———-
andaaz apna aainey mein dekhte hein wo0oh
aur ye bhi dekhte hein koi dekhta na ho0o
———-
kabhi lafz bho0l jaon kabhi baat bho0l jaon
tujhe is kadar chaho0n apni zaat bho0l jaon
———
meine dekhi hein sab k haatho0n mein muhabbat ki lakeerain
kaun kehta hai ye duniya muhabbat k kabil nai hai
———-
dilo0n se khelne ka hunar hamein nai aata
isliye ishq ki baazi hum haar gaye
meri zindagi se shayad unhein bhot pyar tha
isliye mujhe zinda hi maar gaye
———
http://www.youtube.com/watch?v=Vg9BHTIGWhY (ajab pagal si larki)
——–
zindagi mein bohot baar waqt aisa aayega
jab tumko chahne wale hi tumko rulayega
magar bharo0sa rakhna hamesha usper
akele mein wo tumse kayi ziada aansu bahayega
——-
aise waqt mein wo saath mera deta nai hai
chahne wala rulata hai per rota nai hai
phr bhi qaim rakha hai bharo0sa usper
kyunke pyar ab kisi aur se h0ta nai hai
——-
mein sun ke uski sab baatein ,faqat itna hi kehti ho0n
khafa h0na mana lena,ye sadiy0n se riwayat hai muhabbat ki alamat hai
gile shikwey kero mujhse….tumhein pori ijazat hai
magar aik baat meri bhi zara tum yaad rakh lena
kabhi aisa bhi h0ta hai…hawayen rukh badalti hein
khizayen laut ati hein…khatayen ho hi jati hein
khafa h0na bhi mumkin hai…khata h0na bhi mumkin hai
hamesha yaad rakhna tum…talluq roth jane se kabhi to0ta nai kerte
——-
muqaddar ke sitaro0n per… zamano0n ke isharo0n per
udasi k kinaro0n per…kabhi veeraan shehro0n mein
kabhi sunsaaan rasto0n per…kabhi hairaan ankho0n mein
kabhi bejaan lamho0n per..aapki yaad chupke se
koi sargoshi kerti hai….tu palkein bheeg jati hein
tu anso0o to0t girte hein…mein palko0n ko jhukati ho0n
bazahir muskurati ho0n….faqat itna hi kehti ho0n
mujhe kitna satate hoo0….mujhe tum yaad aate ho0o
——
Aye mere Humnashin chal kahin aur chal…is chaman mein ab apna guzara nahi
Baat hoti guloon tak tu sehletay hum…ab tou kanto0n pe bhi huq hamara nahi
Di sada dar per aur kabhi tooor per… kis jagah mein ne tumko pukara nahi
Thokarain yun khilane se kiya faida .. saaaf kehdo k milna gawara nahi
Gulistan ko lahu ki zarooorat pari.. sab se pehlay hi gardan hamari kati
phir bhi kehtay hain mujse ye ehl-e-chaman .. ye chaman hai hamara tumhara nahi
zalimoo apni kismaat pe naza na ho… dour badle ga ye wqat ki baat hai
woh yaqinan sune ga sadayen meri .. kya tumhara KHuda hai hamara nahi ?
Ajj aye ho tum kal chalay jao ge .. ye mohabbat ko apni gawara nahi
umer bhar ka sahara bano tou bano.. do ghari ka sahara , sahara nahi
apni zulfoo ko rukh se hata lijiye .. mera zok-e-nazar azma lijiye….
ajj ghar se chala hon yehi soch kar (haye).. ye tou nazrain nahi ye nazara nahi.
Aye meray Humnashi chal kaheen aur chal… is chaman main ab apna guzara nahi.
——–
meri ankho0n pe marta tha…meri baato0n pe hansta tha
najane shaks tha kaisa…..mujhe kh0ne se darta tha
mujhe wo jab bhi milta tha…yehi har baar kehta tha
suno
agar mein bho0l jaon tu….agar mein ro0th jaon tu
kabhi wapis na aaon tu….bhula pao gay ye sab kuch
yunhi hanste rahoge kia…yunhi sajte rahoge kia
yehi baatein hein bas uski…yehi yaadein hein bas uski
mujhe malo0m hai bas itna…mujhe wo pyar kerta tha
mujhe kh0ney se darta tha
——-
mera taajub ajab nai hai …. wo shaks pehle sa ab nahi hai
wafa ka kia gila kero0n mein usse..wo mera tha hi kab jo ab nai hai
——-
gulshan ki faqat phoolon se nai kanto0n se bhi zeenat hoti hai… jenay k liye is duniya mein ghum ki bhi zarurat hoti hai
aye vaiz e nadaan kerta hai tu ik qayamat ka charcha … yahan roz nigahein milti hein yahan roz qayamat hoti hai
wo pursish e ghum ko aaye hein kuch keh na sakun chup reh na sakun… khamosh rahon tu mushkil hai kehdo0n tu shikayat hoti hai
kerna hi parey ga zabt e aalam peenay hi parein gay ey aanso0o …. faryaad o fughaan se aye nadaan tauheen e muhabbat hoti hai
jo aake ruke daaman pe saba wo ashq nai hai paani hai …. jo anso0o na chalke aankho0n se us ashq ki keemat hoti hai
—–
tumne dil ki baat kehdi aaj ye acha hua
hum tumhe apna samajhte they bara dh0ka hua
——
halaat ki zarb ne meri so0rat hi badal di
mujhse meri tasveer zara bhi nai milti
——-
aankho0n mein jo tehrirein thin…. honto0n pe wo bol na they
dil mein thin kayi hasratein …hatho0n mein kashkol na they
humne usko to0t ke chaha …ye uska hAQ tha lekin
wo bhi humko to0ot ke chahey … hum itne anm0l na they
——
usne pocha pyar kia h0ta hai
meine kanto0n pe chal k dikha diya
usne pocha kitna pyar kero gay
meine saara asmaan dikha dia
usne pocha kaise rakho gay
meine dheeray se phoolon ko sehla dia
usne pocha kisi ki nazar lag gayi tu
meine chupke se usay apni palkon mein chupa lia
——-
har dharkan k saath dil tera naam leta hai
tera khayal meri to0otti sanson ko tham leta hai
jab bhi tanhaiyaan satati hein
tera tasawwur mera haath thaam leta hai
—–
mein muhabbat ho0n muhabbat ker ke dekh .. muhabbat na do0n tu kehna
mein muskurahat ho0n mujhe hansa ker dekh…na sajoon tere honto0n pe tu kehna
mein khushboo ho0n mujhe mehsoos kerke dekh…na mehko0n teri zindagi mein tu kehna
mein dil hoon mujhe sun ker tu dekh…na dharko0n tere dil mein tu kehna
—–
har dil mein dard chupa h0ta hai
bayaan kerne ka andaaz juda h0ta hai
kuch log ankhon se dard baha dete hein
kisi ki hansi mein bhi dard chupa h0ta hai
—–
zamane se suna tha muhabbat haar jati hai …jo chahat yak tarfa ho wo chahat haar jati hai
kahi per dua ka ik lafz bhi asar kerjata hai…kahi barso0n ki ibadat haar jati hai
muhabbat kab kisi ko dushmani ka dars deti hai..muhabbat ki baazi mein adawat bhi haar jati hai
humein kitne bhi shikwe ho0n unki jafaon se…per unke samne har ik shikayat har jati hai
ik aarzo0o si hai unko bhool jayen hum…magar unki yaad ati hai aur ye hasrat bhi haar jati hai
—–
Mere Qareeb To Aao Bahut Udas Hoon Mai
Bus Aaj Tot Ke Chaho Bahut Udas Hoon Mai
Kisi Bhi Jhootey Dilasey Se Dil Ko Bhelao
Koi Kahani Sunao Bahut Udas Hoon Mai
Andheri Raat Hai Kuch Bhi Nazar Nahi Aata
Sitarey Tor Ke Lao Bahut Udas Hoon Mai
Suna Hai Prem Nagar Mai Khushi Bhi Milti Hai
Mujhey Yaqeen Dilao Bahut Udas Hoon Mai
Yeh Sham Yunhi Guzar Jaye Ge
Dabey Paun Wafa Ke Geet Hi Gao
Bahut Udas Hoon Mai
—-
mein ho0n tera khayal tu mera khayal hai …aye markaz e khayal tera kia khayal hai
aata hai tu khayal mein mere khayal se…tujhko mere khayal ka kitna khayal hai
—
ana parast hai itna k baat se pehle …wo uth k band meri har kitaab kerdeyga
—
tumhe kis baat ka ghum hai agar wo mujse poch lein
agar wo mujhse pochlein tu kis baat ka ghum hai…
—
batao kaisa lagta hai
kisi viraan raste pe… kisi anjaan raste pe
kisi ka saath mil jana…khushi k pho0l khil jana
batao kaisa lagta hai …
aur uske baad phr ik din…
kisi ka yun bichar jana…sab hi rango0n ka mit jana..
wo band muthi mein hathon ki..Faqat kuch rait reh jana
batao kaisa lagta hai??
—-
is TaraH se zinDaGi Ko Guzarein GaY aaJ Hum … BiGri Hui Hai aur BiGarein GaY aaJ Hum
be Asss Dil hai ishq ki bazi kiya jeetna.. gar jeet ne lagay bhi tou harain ge ajj hum
Ab Ramish-e-Jahan ki Mujhai Arzo nahi.. Marain ge khudko yun Ghum ko marain ge ajj hum
tou bhi khafa hai rab hi hai rutha h0va mera,,, Warte Tarean be kas ko pukaray ge ajj hum
Ilzaaam Meray Khoon Ka Tou apne Sar Na Lay…. Khanjar Ko Khud Jigaar main ontarain ge Ajj hum
—
Ghum thay Jahaan K Samne Oski Fikar na thi …. Osper gayi nigha tou Jahan ki khabar na thi
Dikhti hai Absara Mujhko Bhi kabhi kabhi…. phailay tou meray khuwab main bhi sar basar na thi
is Shara-e-mohobat main raqiboon say jaan Bachi… Itni tou Rah-e-Ishq kabhi purkhatar na thi
Shamil tha meray ghum main mera har Raqeeeb…. Woh khush thay bohot jinki woh jan-e-jigar na thi
CHal Chal k jisper humne guzari tamaam umer… Afsooos k woh oske Dil ki rha guzar na thi
Ishq-e-Butaan main Mahu hova tha itna>>… Kaba hai kis taraf mujko khabar na thi
gar ishq bhi kiya tou faqat ek hi saat… Accha hova jo hur ko meri fikar na thi
Karne thay isko Abhi SekrOoon Sitaam….. Tha Shukar khuda ka meri itni umer na thi
phonchay Thay Wahaj Haans kar jahannum ki Goud main …. Jo thi tapish Hijar main kishi agg per na thi
Wahaj Rahh-e-Ishq main Hova Marna bhi rayega… Woh jis per R0 rahi thi woh meri Kabar na thi
—
kuch tu naseeb se hamein tanhaiyan milin.. kuch akele pan se hamein pyar bhi raha
kuch log humse roth gaye do0or hogaye..kuch ye dil manane se bezaar bhi raha
kuch dard aur takleef ko rahi humse ulfat..kuch humko dawa kerne se inkaar bhi raha
kuch uski raza thi k hum rahein yun hi tanha ..aur kuch hamein rab ki raza se pyar bhi raha
—-
kuch mein bhi thak gayi hoon usay dhondte huey …kuch zindagi ke paas bhi muhlat nai rahi
uski har ik ada se chalakne laga khulooos …. jab mujhko aitbaar ki aadat nahi rahi
—-
ik shaks ke khone ka dar kyu nahi jata … ye bojh mere dil se utar kyu nai jata
manzil pe pohanch ker usay khona hi parega..ye tay hai tu phr shok e safar kyu nai jata
—-
muddat se do0or they hum aur wo… ik zamane k baad milna acha laga
saagar se ziada gehri lagi unki ankhein…terna tu aata tha per do0bna acha laga
—-
aye chand suno kuch baat kero … teri baat chale meri raat katay
tum bat kero us basti ki … badal barish aur masti ki
ya baat kero us bandhan ki … payal choori aur kangan ki
ya baat kero un sapnoon ki …jinhein tum bhi socha kerte ho
—
r0ne se kia hasil aye dil e saudayi …ankhon ki bhi ruswai daman ki bhi ruswai
hum log samandar k bichre huey sahil hein…isper bhi tanhai usper bhi tanhai .
—
sapnon se dil lagane ki aadat nahi rahi … har waqt muskurane ki aadat nai rahi
ye s0ch ker ke k0i na aayega manane … ab humko r0th jane ki aadat nahi rahi
—-
aarzo e safar ka jab humne irada kia tha …saath chalne ka usne bhi waada kia tha
kuch usko raas na aayi wafa ki sadaqatein..kuch aitbaar humne bhi bohot ziada kia tha
—-
na zameen k liye na asmaan ke liye…tera wajo0od hai bas daastaan k liye
mur ker dekhna kia su e chaman ki taraf…wo shakh hi na rahi jo thi ashiyaan k lie
—-
jisko chaha usi ko paaya aisi apni yahan kismat kab thi
jiski justujo mein puhcha mein lab e ghor..uske dil mein mere liye muhabbat kab thi
jo samjha mujhe har dam apna dushman….is dil mein us shaks k liye nafrat kab thi
tere ch0r jane ke baad mera kia h0ga ….mujhper pehle guzri aisi qayamat kab thi
jisko chaha wohi shaks mile tumko…is jahan mein aisi riwayat kab thi
tum hi s0cho mein kyu do0or rehta hoon…tumhari yadon se is tarah baghawat kab thi
jisko dil mein basayaa wahaj wohi gair hogaya…h0ta apna bhi koi pyara aisi apni kismat kab thi
—-
ik bewafa ko na aaya hamari wafa ka yaqeen
humne gusse mein kaha mar jaenge usne kaha AMEEN
—-
usper khushi sajti hai bohot… usse kehna muskuraya keray
uski ankhein nam si achi nai lagtin…usse kehna ghum mujhe dejaya keray
ye zindagi bohot taveel safar hai..usse kehna tanhai se kinara keray
zindagi uski hamein pyari hai bhot…usse kehna phr kisi ko jaan se pyara na keray
—
zindagi jis tarah guzri guzar di meine…phr khud se hi har cheez haar di meine
kahoon bhi kia apne zakhmon ko …zindagi meri thi tu usper waar di meine
kia kerna tha khushiyon ki baharein leker..tanha kia kerti har khuwaish hi mardi meine
kab talak har aik se jhoti hansi hansti…kisi ki khatir hansi ki poshaak utar di meine
—
har samandar ka aik saahil hai.. hijer ki raat ka kinara nahi
wo nahi milta aik baar hamein.. aur ye zindagi dobaraa nahi
—
khuwab ankhon mein pirone ki ijazat dede…aye shab e ghum mujhe s0ne ki ijazat dede
ya saleeqay se nibha rasm e muhabbat mujse..ya kisi aur ka h0ne ki ijazat dedey
—
tum chand ban ke rehna mein dekhta rahonga…kisi r0z tum na niklo aisa kabhi na kerna
tum chali jao jab bhi tu dekhoon tumhara rasta..tum laut ke na aao aisa kabhi na kerna
—
kuch log bhool ker bhi bhulaye nai jate … aitbaad itna k aazmaye nahi jate
h0jate hein dilo0n per kuch is tarah musallat..k naksh unke chah ker bhi mitaye nai jate
—
unse do0or jane ka irada na tha ..saath saath rehne ka bhi waada na tha
w0 yaad na kerenge ye jante the hum…per itni jaldi bhol jaenge andaza na tha
—
mein jinhein khenchti rehti hoon yunhi kaghaz per ..un lakeero0n se bhi chehra ubhar aata hai koi
zindagi yun tu guzarti chali jati hai magar …. yaad aata hai tu phir kho0b rulata hai koi
—
wo khatam qaid ki miyaad bhi nai kerta … magar mein zehmat e faryaad bhi nai kerta
kabhi kabhi wo mujhe itna yaad aati hai … mein zid mein aa ke usay yaad bhi nai kerta
—
wo shaks raat meri hasti pe chaa gaya …itna kareeb aaya k dil mein sama gaya
wo aik pal jo degaya aasoodgi ki khair..jazbon ki taaza dhop mein pagal bana gaya
pehle mere wajood per utra wo boond boond..barsa tu phr ghata ki tarah mujpe chaa gaya
wo jab mila tu piyaas se lab khushk they bht..lauta tu hasraton ko wo pani pila gaya
paband ker gaya mujhe lamhon ki qaid mein..ankhon pe apni yaad ke pehray bitha gaya
—
kabhi khamoshi bhi bht kuch keh jati hai .. tarpane k liye yaad reh jati hai
kia fark parta hai dil ho ya koyla …jalne k baad tu sirf raakh reh jati hai
—
h0sakta hai usne anjane mein hamein rula diya …usne duniya k kehne pe hamein bhula diya
hum tu waise bhi akele hi they …kia hua agar usne ehsaas dila diya
—
mein titli ko sula donga zara tum shaam hone do..mein jugno ko jaga doonga zara tum sham hone do
kaha aghaz hota hai kaha anjaam hota hai … hunar sare sikha do0nga zara tum shaam h0ne do
mujhe itni maharat hai k mein saada se lafzo mein..tumhe dilkash bana donga zara tum sham hone do
meri namnaak nazron ko na dekho tum hakarat se..mein tumko bhi rula donga zara tum shaam h0ne do
—
chand ki kirno jao na usko choo ker aao na …wo kab kab kia kia kerta hai wo jagta hai ya sota hai
wo kisse baatein kerta hai wo shaam ko kaisa lagta hai..wo raat ko kaisa dikhta hai
jab soye kaisa lagta hai jab jaage kaisa lagta hai..tum chupke chupke jao na tum usko cho ker aao na
—
hamein koi ghum nai tha ghum e ashiqi se pehle .. na thi dushmani kisi se teri dosti se pehle
hai ye meri badnaseebi nai tera qaso0or …tere ghum ne maar daala mujhe zindagi se pehle
mein kabhi na muskurati jo mujhe ye ilm hota..k hazaro ghum milenge mujhe ik khushi se pehle
ye ajeeb imtihaan hai k tumhi ko bhoolna hoga..mile kab they is tarah hum tumhe bedili se pehle
—
dil lagi thi usay humse muhabbat kab thi .. mehfil e yari se unko fursat kab thi
hum they muhabbat mein lut jane k qail …unke waado0n mein wo hakeekat kab thi
wo waqt guzarne k liye kerta tha pyar ki batein..meri khatir uske dil mein chahat kab thi
bht roka lekin nikal aate hein anso0o..bazm e yaad mein ansoo bahane ki ijazat kab thi
Khuda jane kiski yaad mein hua hai wo be haal..verna mere ishq mein uski ye halat kab thi
—
wo mujse besabab uljha nai tha … wo pehle tu kabhi aisa nahi tha
bohot aala tha uska zarf lekin..wo meri zaat ko samjha nahi tha
wo jitni berukhi se chal dia tha..mein itna bhi gaya guzra nai tha
mein usko kyu bura thehraon yaron..wo acha tha faqat mera nai tha
—
teri majboriyon se waqif hon ..
tumne pehle bhi kayi baar mujhe….aise dekha tha k jaise mujhe dekha na ho
aise socha tha k jaise kabhi s0cha na ho…aise ch0ra tha raah mein aksar tune …
jaise mujhse koi rishta koi naata hi na ho…jaise tune mujhe meine tujhe chaha hi na ho
maslehat orh ker chahat ko chupaye rakha…apne har ik raaz ko seene se lagaye rakha
aur mein jo teri majboriyon se waqif tha…tujhko devi sa khayalon mein sajaye rakha
har nishani ko teri meine muqaddas jana …tere har aks ko ankhon mein basaye rakha
mujhe maloom nai hijer k qatil lamhe tune..kis aag mein jal jal k guzare honge
kabhi lafzon mein thakan tune samaiti hogi…kabhi kaghaz pe faqat ashq utare h0nge
ye bhi mumkin hai k guzra hua lamha lamha..jisko mein aaj bhi seene se lagaye rakhta hon
tere nazdeek faqat yaad ki parchayi ho…dard ki jaise teri isay shanasayi ho
jis tarah dhoop december ki dareeche se lagi..be irada kahi angan mein utar aayi ho
jaise mehfil mein kisi shaks ki tanhai ho…teri majbooriyon se waqif hon
isliye tujhe ilzaam nai desakta..apni chahat ko koi naam nai desakta
ik paigham hai tere liye khamoshi aur tu…koi bhi paigham nai desakta
tere lafzo tere ashkon teri ankhon ki kasam..zabt ab saath kisi gaam nai desakta
ye kahani tu mere saath chale gi …Wahaj is kahani ko mein anjaam nai desakta
—-
waqt khush kaatne ka mashwara dete huey …r0 para wo shaks mujhe hausla dete huey
—
na sadaf hui na gohar hui …. yunhi jalti bujhti basar hui
meri zindagi k chiraag ki … na hi shab dhali na seher hui
—
usne do0or rehne ka mashwara bhi likha hai …saath hi muhabbat ka waasta bhi likha hai
usne ye bhi likha hai k mere ghar nai aana …aur saaf lafzo0n mein rasta bhi likha hai
kuch huro0of likhe hein zabt ki nasihat mein..kuch huroof mein usne hosla bhi likha hai
shukriya bhi likha hai dil se yad kerne ka ..dil se dil ka hai kitna fasla bhi likha hai
—
yun bhi khiza ka ro0p suhana lage mujhe …har phool fasle gul mein purana lage mujhe
mein kia kisi pe sang uthane ki s0chta…apna hi jism ayina khaana lage mujhe
aye d0st jhoot aam tha duniya mein is qadar..tune bhi sach kaha tu fasana lage mujhe
ab usko kho raha ho0n bare ishtiyaaq se ..wo jisko dhondne mein zamane lage mujhe
doston hujoom e yar mein marne ka shauk bhi..jeenay ka ik haseen bahana lage mujhe
—
shayad tujhe kabhi parhne ki fursat na mili ho..akhbaar bane phirte hein tere shehar mein hum
—
yadon k naye mausam ne ye ehsaan kiye hein…ab yaad mujhe dard purane nai aate
urne do parindon ko abhi shauk e hawa mein…phr laut k ye haseen zamane nai aate
—
kabhi kisi ko mukammal jahan nai milta ..kahi zameen tu kahi aasmaan nai milta
so0oraj saroon pe aaya tu saaye kat gae..jiski jahan umeed ho wahan nai milta
—
aashna hote huey bhi aashna koi nai ..jante hein sab mjhe pehchanta koi nai
mukhtasir lafzon mein ye hai mijaz e dosti..rabta beshak hai sabse wasta koi nai
—
mujhe jo kuch bhi kehna tha abhi mein keh nai paaya…meri tehreer ki zad mein abhi tu kuch nai aaya
abhi wo karb likhna hai jise mehso0os kerta hoon…abhi wo khuwab likhne hein jo in ankho mein palte hein
mujhe unko bhi likhna hai jinhe mein dhond na paya..abhi wo log likhne hein jo kho ker haath malte hein
abhi wo ashq likhne hein kabhi jo keh nai paaya..meri tehreer ki zad mein abhi tu kuch nai aaya
abhi mausam ki shokhiyan tehreer kerni hein..uthane hein abhi dariya se mujhko piyaas ke pehre
abhi tu khushk peroon per mujhe rimjhim bhi likhna hai..kahi pe dhoop likhna hai kahi pe teergi chaaya
abhi tu mujko likhni hein kisi ki reshmi zulfein..kisi ki surmageen palkein kisi ki ankh ka kajal..
kisi ki ankahi baatein macha dein dil mein jo hulchul..abhi wo sab bhi likhna hai jo mera ishq kehlaya
abhi tu wo safar likhna hai jo darpaish hai mujko..abhi tu tumko apni piyaas ka sehra dikhana hai
abhi tu hijer ki likhni hein sari matami raatein..abhi tu aise lamhe bhi tumhe aaker sunane hein
k they jinse ashq ankhon mein magar is dil ko behlaya..meri tehreer ki zad mein abhi tu kuch nai aaya
abhi se saath chore jarahe ho kislie jaana ..abhi tu khul ke dil ka haal bhi tumko na batlaaya
—
ghum ki barish ne bhi tere naksh ko dhoya nai…tune mujhko khodia meine tujhe khoya nai
neend ka halka gulabi sa khumaar ankho mein tha..yun laga jaise wo shab ko der tak soya nai
har taraf dewar o dar aur un mein ankho k hujoom..keh sake jo dil ki halat wo lab e goya nai
janta hoon aik aise shaks ko mein bhi …shaam se pathar h0gaya lekin kabhi roya nai
—
yun dost sare apne apne raste badal gaye..kuch peeche ruk gaye tu kuch aage nikal gaye
halaat ki dhoop zara der ko tez kia hui…jitne wafa k paikar they sare pighal gaye
waadoon k taare raatoon se bahar na jasake..iradoon k din nikalne se pehle hi dhal gaye
wafaon k rang shabnam k qatroon se dho diye..muhabbat k phool jazbon ki shiddat se jal gaye
taanoon k teer duniya ki kamanoon pe jab charhe..sabar k daman hathon se yakdum phisal gaye
ankhein khuli tu khuwabon ko bura lag magar..kuch der wo reh k muztarib khud hi behal gaye
pehle pehle tu ajeeb lage badle hue chehre..phr yun hua k waqt k saath hum bhi sambhal gaye
—
rakhta hai mujhe thaam ker girne nai deta..mein toot bhi jaon tu bikherne nai deta
is dar se kahi kaanta na chubh jaye hath mein..wo phool bhi mujko pakarne nai deta
wo is qadar hasaas hai muhabbat mein meri..koi ghum mere seenay mein wo palne nai deta
tareeki se aata hai mujhe khauf is qadar..us din ko wo phr raat mein dhalne nai deta
—
bin tere dil ko samjhaon kaise …aana chahon tere paas tu aaon kaise
meri har sans amanat hai teri yadon ki..toot ker isse ziada tujhe chahon kaise
—
tumne kaha tha na k mein kashti pe bojh hoon …chehre ko ab na dhanp mujhe do0bta bhi dekh
—
jab se tamannaon ka izhaar hua hai … har shaks meri raah ki dewaar hua hai
har baar hi tala hai teri yaad ko lekin..ye faisla mushkil se hi har baar hua hai
bas hum hi kiya kerte hein izhaar e muhabbat..tum bhi tu kabhi humse kaho pyar hua hai
rakhte hein sar bazm e nigahon mein mujhe wo…hasna bhi mera bais e azaar hua hai
—
kisi ko meri yaad aaye ik arsa hua … koi hai hairaan tu koi tarsa hua
is tarah khamosh hein ye dil ye ankhein meri..jaise kham0sh ho koi badal barsa hua
—
kero0n tu kisliye akhir malaal mein uska …usay nai tu mujhe bhi nai khayal uska
meri wafa ne banaya hai bewafa usko …kisi adaa mein bhi nai hai kamaal uska
mere naseeb ki ye bhi tu khushnaseebi hai.. k mujhko dekh k sab pochte hein haal uska
yehi dua mein keroon har baras k pehle din… mere bagair na guzre koi bhi saal uska
mere uro0j ko uske naseeb mein likhde…KHuda e pak mujhe s0np dey zawaal uska
—
wo mujhko devta kehta hai lekin…parastish to0ot ker kerta nai hai
wo ankho0n k ishare janta hai …wo kamsin hai magar bacha nai hai
—
ye aalam hai tu unko behijaabi ki zaro0rat kia …nakaab uthne na paaye aur jalwa aam h0jaye
mera faisla hai ye ap mere ho nai sakte …mein tak janoon k ye jazba mera nakaam h0jaye
abhi tu aapke dil mein halki si khalish mehsoos hoti hai..bht mumkin hai kal isi ka muhabbat naam h0jaye
—
badla na apne aap ko j0 they wohi rahe ..milte rahe sab hi se magar ajnabi rahe
duniya na jeet pao tu haaro na khud ko tum…thori bht tu zehan mein narazgi rahe
apni tarah sab hi ko kisi ki talash thi …hum jiske bhi qareeb rahe door hi rahe
—
moum ki tarah pighalte huey dekha usko…rut jo badli tu badalte huey dekha usko
wo jo kantoon ko bhi narmi se chuwa kerta tha..humne pholon ko masalte huey dekha usko
jane kis ghum ko chupane ki tamanna hai usay..aaj har baat pe hanste huey dekha usko
jane wo mangne jata hai duayoon mein kise….haath uthate hi sisakte huey dekha usko
—
ab mujhko bhoolne k bahane talaash ker..mausam naya hai taaza thikane talaash ker
ankhon ki doobti hui kaifiyatein na dekh..in murdah ansoyon mein zamane talash ker
mehloon k logo ne tu thukra diya tujhe..galiyon mein apne d0st purane talaash ker
ya r0shni k burf se chehre ko dhaanp le..ya zulmatoon mein khuwab suhane talash ker
—
jo khushi tere kareeb ho wo sada tujhe naseeb ho…tujhe wo khuloos mile k jo teri zindagi pe muheet ho
jo miyar tujhko pasand ho jo tere dil ki umang ho..teri zindagi jo talab kere tere humsafar ka wo rang ho
jo khayal dil mein aseer ho aur duayon mein bhi taseer ho..tere hath uthate hi kHuda kere tere samne tabeer ho
—
jazba e dosti nakaam na hone deinge…dil ki duniya mein shaam na h0ne deinge
muhabbat ka har ilzaam apne sar leleinge..per d0st tumhe kabhi badnaam na hone denge
—
Usi aik fard k wasty mery dil main dard hai kis leye…meri zindagi ka mutalba wohi aik shakhs hai kis leye
tue joo shehr main muqeem hai tuo musafrat ki feza hai kuon….tera karwaan joo nahi gaya tuo hawa main gard hai kis leye
j0o likha hai mery naseeb main kaheen tunay paarh tuo nahi leya…tera hath sard hai kis leye, tera raang zard hai kis leye
woh jo tark-e-raabt ka eehd tha kaheen tootany tuo nahi laga…tery dil k dard ko dekh ker mery dil main dard hai kis leye
—
ye jo dewane se do chaar nazar aate hein… in mein kuch sahib e asaar nazar aate hein
teri mehfil ka bharam rakhte hein sojate hein..verna ye log tu bedaar nazar aate hein
mere daman mein shararo0n k siwa kuch bhi nai..aap pholoon k kharedar nazar aate hein
kal jinhe choo nai sakti thi farishto0n ki nazar..aaj wo raunaq e bazaar nazar aate hein
hashar mein kaun gawahi meri dega Saagar..sab tumhare hi tarafdaar nazar aate hein
—
kabhi khud bhi mere pass aa meri baat sun mera saath de…jo khalish hai dil se nikal ker mujhe uljhanon se nijaat de
tujhe sochna mera mashgala tujhe dekhna meri aarzo0o…mujhe din de apne khayal ka mujhe apne qurb ki raat de
mein akele bhatkoon kaha kaha ye safar bohot taveel hai…meri zindagi mere saath chal mere hathon mein apna haath de
—
kabhi is nagar tujhe dekhna kabhi us nagar tujhe dhondna…kabhi raat bhar tujhe dhondna kabhi rat bhar tujhe s0chna
mera khuwab tha k khayal tha wo urooj tha k zawaal tha…teri yaad pe tu ro diya jo tu mil gaya tujhe kho diya
mere silsile bhi ajeeb hein … tujhe ch0r ker tujhe dhondna
—
wo silsile wo shauk wo nisbat nai rahi .. ab zindagi mein hijer ki wehshat nai rahi
to0ota hai jab se us maseeha ka tasalsul..dil ko kisi maseeha ki haajat nai rahi
phir yun hua k koi shanaasa nai raha …phir yun hua k dard mein shiddat nai rahi
phir yun hua k h0gaya masro0of wo bohot..aur usko yaad kerne ki fursat nai rahi
ab kia kisi ko chahein k hum ko tu in dino..khud apne ap se bhi muhabbat nai rahi
—
meri bazm e dil tu ujar chuki mera farsh e jaan tu simat chuka ..sab hi jachuke mere humnasheen magar ik shaks gaya nai
daroo baam sab ne saja liye sab hi roshni mein naha liye ..meri ungliyan tak jhulas gayin magar ik chiraag jala nai
pase karwaan sar e raah guzar mein shikasta paa hon tu islie..k qadam tu sab ne mila lie mera dil kisi se mila nai
—
lamha lamha tere wajood mein basar hota… kho0b hota jo mein teri ro0h ka mehwar hota
teri in jheel si ankho0n mein mera ghr hota..teri ankhein jo dekhti mein wo manzar hota
kabhi patjhar kabhi rimjhim kabhi sawan kabhi badal…kabhi panchi kabhi amber hota
teri umeed ka hasil teri koshish ka sila ..mein tere ishq tere sabar ka samar hota
—-
har baar mujhe zakhm e judai na dia ker… gar tu nai mera tu dikhai na diya ker
sach jhoot teri ankh se h0jata hai zahir..kasmein na utha itni safai na diya ker
maloom hai tu rehta hai ab mujse gurezan..pass aake muhabbat ki duhai na diya ker
ur jayen tu phr laut k aate nai wapis..har baar parindon ko rihaii na diya ker
—
to0oti hai meri neend magar tumko isse kia …bajtay rahe hawaon se dar tumko isse kia
tum mauj mauj misl e saba ghoomte raho …kat jayen meri soch k par tumko isse kia
auro0n ka haath thamoo unhe rasta dikhao…mein bhool jaon apna hi ghr tumko isse kia
tumne tu thak k dasht mein khaime laga lie..tanha kate kisi ka safar tumko isse kia
—
bohot khud pe jabar kerke muhabbat ka safar kerke…mita k har khushi apni usay paane ki chahat mein
bas itna jaan payi ho0n … muhabbat maar deti hai
—
kabhi ansoo kabhi khushbo kabhi naghma ban ker .. humse har shaam milta hai tera chehra ban ker
chand nikla hai teri aankh se anssoo ban ker… phool mehke hein teri zulf ka saaya ban ker
meri jagi hui raatoon ko hai usi ki talaash…so raha hai jo meri ankhon mein sapna ban ker
mera kia haal hai ye k kabhi dekha tune…je raha hoon tera bhoola hua waada ban ker
dhoop mein kho gaya haath chura ker mera …ghr se jo saath chala tha mera saaya ban ker
—
badla jo waqt gehri rafaqat badal gai … sooraj dhala tu saaye ki so0rat badal gai
ik umer tak mein uski zaro0orat bani rahi…phr yun hua k uski zaro0orat badal gayi
—
mein wo raahi nai jo manzil se pehle thak jae…wo phool nai jo chalti hawwa se bikher jae
mein diya nai shama nai jo subah se pehle bujh jae..mein aisi ik kitab hon jo band hai apne lafzon mein
kuch jumlon mein kuch fikroon mein..lekin wo fasaana nai be rang ho jo be no0or ho
wo manzil bhi nai jo zindagi se do0or ho …jisay pana ho dushwaar bht
mera maskan raah k ander hai ..mere dam se dil ki dharkan hai
mein asal mein saaz e hasti hoon..har lab ki ronaq mujse hai
har chehra mujhse roshan hai ..naam mera muhabbat hai!!
—
us shaks se jab tak koi baat nai hoti …din nai nikalta raat nai hoti
na khafa hua keray wo usay kehna … bina uske mukammal meri zat nai hoti
—
fasloon ne dil ki qurbat ko barha diya …aaj unki yaad ne besabab rula dia
unko shikwa hai k hamein unki yad nai ati…jinki yad mein humne khud ko bhula dia
—
mere jism e boseeda mein zara jo jaan baki hai…kisi k laut aane ka koi imkaan baki hai
wo chahe raabta rakhe chahe rasta badle…usay mujse muhabbat hai mera imaan baki hai
—
yaad kerna na bhi chaho yaad aayen gay hum …teri nend0on tere khuwabon mein cha jayen gay hum
har shay mein mile gi so0orat meri…jab teri pohanch se do0or chale jayen gay hum
—
hum nazuk nazuk dil wale bas aise hi tu hote hein ..kabhi hanste hein kabhi rote hein kabhi dil mein khuwab pirote hein
kabhi mehfil mehfil phirte hein …kabhi zaat mein tanha hote hein
kabhi chup ki mohar sajate hein….kabhi geet laboon per laate hein
kabhi sab ka dil behlaate hein….kabhi khud mein tanha hote hein
kabhi shab bhar jaagte rehte hein..kabhi lambi taan k sote hein
—
Woh Iss ANDAZ Ki Muj Se MOHABBAT Chahta Hai
Mere Her KHUWAB Per Apni HOKUMAT Chahta Hai
Mere Her LAFZ Mein Jo MUJ Se Barh Ker Bolta Hai
Mere Her LAFZ Ki Muj Se WAZAHAT Chahta Haid
Wo KEHTA Hai Ke Mein Us Ki ZARORAT Ban Chuki Hoon
To Goya Wo Mujy Hasb-e-Zaroorat Chahta Hai
—
phr chand khila phr raat thami phr dil ne kaha hai teri kami..
phr yaad k jhonke mehak gaye phr pagal armaan behak gaye…phr jannat si lagti hai zameen phr dil ne kaha hai teri kami..
phr guzre lamhoo ki baatein phr jagi jagi si ratein…phr thehar gayi palkoon pe nami phr dil ne kaha hai teri kami
—
wo shaks jo meri zindagi mein ehm hai…jo wo chahe har bat ko manu mein..usi ki zaat mein ghus ker usay janoon mein
uski har ik talkhi ko bhula do0n mein…chaha uska har udaasi se rishta mita doon mein
jiska wajood mujhe ander se jal thal kere..bas usi se talluq rakhne ka dil kere
talluq torna jisse mujhe acha na lage ..samne ho na ho baat ye acha na lage
wahaj sochta hai k rabt mera usse koi game hai…wo shaks jo meri zindagi mein ehm hai
—
tumko ik talkh haqeeqat bhi bata dete hein…jisko aksar ye log chupa dete hein
tumne girte huey pattoon ko tu dekha hoga…apni har saans wo tehni pe ganwa dete hein
kia khoob sajate hein baharon mein shajr ko…kari dhoop mein apna aap jala dete hein
kitne bereham shajr hein naye pattoon ki khushi mein..peelay patton ko khizaon mein gira dete hein
aur jo girte hein qadmoon k shajr ke…log unhi pattooon ko pairoon mein daba dete hein
—-
kabhi jo hum nai hoonge kaho kisko bataogay…wo apni uljhanein sari wo bechani mein doobe pal
wo ankhon mein chupe anso0o kise phr tum dikhaogay..bht bechan hogay tum bht tanha reh jao gay
abhi bhi tum nai samjhi hamari unkahi baatein..magar jab yaad aayengi bht tumko rulayengi
bht chaaho gay phr bhi tum hamein na dhoond pao gay…
—-
ghazab hai justujo e dil ka ye anjaam h0jaye … ke manzil do0or ho aur raaste mein shaam h0jaye
ye aalam ho tu unko behijaabi ki zarurat kia… nakaab uthne na paaye aur jalwa aam h0jae
ye mera faisla hai aap mere h0 nahi sakte … mein jab jaano0n k ye jazba mera nakaam h0jaye
abhi tu dil mein halki si khalish mehso0os hoti hai..bht mumkin hai kal isi ka muhabbat naam hojae
—-
khuwaish pe mujhe to0ot k girna nai aata …pyaasa ho0n magar sahil e dariya pe khara ho0n
—-
phr kahi do0or se ik baar sada do mujhko ..meri tanhai ka ehsaas dila do0o mujhko
tum tu sooraj ho tumhe meri kia zarurat… mein diya hoon ksi chokhat pe jala do mujhko
—-
jo khayal they na qiyaas they wohi log humse bichar gaye…meri zindagi ki jo aas they wohi log humse bichar gaye
jinhe maanta nai ye dil wohi log hein mere humsafar …mujhe har tarah se jo raas they wohi log humse bichar gaye
mujhe lamha bhar ki rafaqato0n k azaab aur satayenge..meri umer ki jo piyaas they wohi log humse bichar gaye
ye khayal sare hein aarzii ye ghulan sare hein kaghzi..gul e arzo ki jo baas they wohi log humse bichar gaye
ye jo raat din mere saath hein wohi ajnabi k hein ajnabi..jo dharkanoon ki aas they wohi log humse bichar gaye
—-
yun dost sare apne apne raste badal gaye … kuch peeche ruk gaye tu kuch aagay nikal gaye
halat ki dhoop zara si der ko tez kia hui…jitne wafa k paikar they sare pighal gaye
waadoon k taare ratoon se bahar na jasake…iradoon k din nikalne se pehle hi dhal gaye
wafaon k rang shabnam k qatroon se dho diye..muhabbat k phool jazboon ki shiddat se jal gaye
tanoo k teer duniya ki kamanoon pe jab charhe…sabar k daman hathon se yakdum phisal gaye
ankhein khulin tu khuwabon ko bura laga magar..kuch der wo reh ker muztarib khud hi behal gaye
pehle pehal tu ajeeb lage badle huey chehre…phr yun hua k waqt k saath hum bhi sambhal gaye
—-
ye baazi khoon ki baazi hai ye baazi tum hi haro gay …. har ghr se bhutto niklegi tum kitni bhutto maaro gay
—-
aankh ban jati hai sawan ki ghata shaam k baad … laut jata hai agar koi khafa shaam k baad
wo jo tal jati rahi sar se bala shaam k baad …koi tu tha k jo deta tha dua shaam k baad
aahein bharti hai shab e hijr yateemon ki tarah..sard hojati hai har r0z hawa shaam k baad
shaam tak qaid raha kerte hein dil k ander…dard h0jate hein sare hi riha shaam k baad
log thak haar k sojate hein lekin jaanan…humne khush h0ke tera dard saha shaam k baad
shaam se pehle talak laakh sulaye rakhein…jaag uthti hai muhabbat ki ana shaam k baad
khuwab takra k palat jate hein band ankhon se..jane kis jurm ki kisko hai saza shaam k baad
chand jab ro ke sitaro0n se gale milta hai … ik ajab rang ki hoti hai fiza shaam k baad
humne tanhai se pocha k kab hoti ho tanha …usne bechani se foran hi kaha shaam k baad
mein agar khush bhi rahoon phr bhi mere seenay mein…saugawar koi roti hai sada sham k baad
—-
kisse izhaar e mudda kijiye…milte nai aap kia kijiye
aik hi fun tu sekha hai humne..jisse miliye usay khafa kijiye
aap jiske chara gar they wo naujawan..sakht bemaar hai dua kijiye
mujhko adat hai roth jane ki…ap mujko mana lia kijiye
milte rahiye isi tapaak k sath..bewafai ki inteha kijiye
—-
teri yaad ka mausam suhana lage … ik shaam chura lo0n gar bura na lage
tum bhulana chaho tu bhula do mujhe..tumko bholne mein shayad mujhe zamana lage
—-
bheegi hui ankhon ka ye manzar na milega… ghar chor k na jao kahi ghar na milega
phr yaad bht aayegi zulfo0n ki ghani sham..jab dhoop mein saya koi sar na milega
ashko0n ko kabhi pani ka qatra na samjhna…aisa tujhe chahat ka samandar na milega
is khuwab k mauhol mein be khuwab hein ankhein..jab neend bht aayegi bistar na milega
ye sochlo ab akhri saaya hai muhabbat…. is dar se utho gay tu koi dar na milega
—-
ye maujein sahil se takra k jaan dedein gi … bas inhe bahar nikalne ki ijazat dede k0i
—-
laghzishon se mawara tu bhi nai mein bhi nai …d0no insan hein KHUda tu bhi nai mein bhi nai
tu mujhe aur mein tujhe ilzaam dete hein …apne ander jhankta tu bhi nai mein bhi nai
maslihat ne kerdia dono mein paida ikhtilaaf….verna fitrat ka bura tu bhi nai mein bhi nai
mukhtalif simto0n mein dono ka safar jari raha..ik lamhe ko ruka tu bhi nai mein bhi nai
—-
kis basti mein aan basi ho0n ..jiske sare log hein pathar…raste pathar k0che pathar..ghar pathar k dar pathar k
jiski khatir mein aayi thi ..wo chehra bhi pathar ka tha ..jiski baatein pathar ki thin..jiska lehja pathar ka tha
is basti ko ch0r chali ho0n ..har ik nisbat tor chali ho0n…lekin ik din phr aaongi..jis din pathar ban jaongi
—-
pyar ki saza bemisaal di usne ..udaas rehne ki aadat daal di usne
jab mere pyar ki inteha dekhli usne..tu jaan bojh k do0ori barha di usne
—
mujhe khud se mukarna par gaya hai…tere sanche mein dhalna par gaya hai
ye ankhein islie khu rang hui hein ..mujhe anso0o nigalna par gaya hai
tumhe tabdeel kerna chahti thi …khud ko badalna par gaya hai
—
tere bare mein jab s0cha nai tha … mein tanha tha magar itna nai tha
teri tasveer se kerta tha batein…mere kamre mein aaina nai tha
samandar ne mujhe piyaasa hi rakha..mein jab sehra mein tha pyasa nai tha
manane rothne k khel bhi they ..bichar jayen gay ye s0cha nai tha
suna hai band kerli usne ankhein…kayi raato0n se wo soya nai tha
—
yun hi faslon ko sajaye rakh yehi intezar rehne de…mere zehn o dil k sakun per mera ikhtiyar rehne de
teri chahaton mein jo dard hai ye sab khushi se qabol hai…meri chashm e nam ka guman na ker mujhe ashq baar rehne de
teri bebasi baja sahi meri khush fehmi bhi galat nai…tujhe har qadam pe khushi mile mujhe saugawaar rehne de
meri guftugo0o mein jo dard hai wohi dard mera naseeb hai…mein bhula chuki ho0n qaraar ko mujhe be qarar rehne de
—
suno aisa nai kerte k jis dil mein bhi rehte ho0n … usay t0ra nai kerte
bina jiske na jee payen… usay ch0ra nai kerte
suno kuch der ruk jao koi tadbeer kerlein gay…jo sare khuwab dekhe hein unhe tabeer kerlein gay
bina tere ye jeevan hum kaho kaise bitayen gay..qasam se t0ot jayen gay
suno jab yaad aaogay …bht khud ko rulayen gay…tumhe kaise bhulayen gay??
suno jab dard h0ga tu tarap ker mar hi jayen gay..tumhe na bhool payen gay..suno kuch der ruk jao!!!
—-
talluq tor mat dena ..hazaro0n dooriyan aayen…baharein aa ke khoj ayen
mera chehra bhula dena ..meri yaadein bacha lena
jo lamhe dard dete ho0n unhe beshak bhula dena
jo lamhe aas dete ho0n unhe dil se laga lena
kahi bhi do0or reh lena ..magar in do0oriyon ko tum bahana mat bana lena…talluq t0r mat dena!!!
—
mein apni rato0n ki fursaton mein tujhe manaon tu man jana…agar kisi din mein apne anso0o jo leke aaon tu maan jana
ye ik dil hi tumhe diya tha so isko tumne tor dala… shikasta dil ki jo kirchion ko samait laon tu maan jana
tu khush nai meri baqa pe tu sirf itna batade mujhko…teri khushi k liye jo sooli pe charh jaon tu maan jana
tu bad guman hai meri wafa pe tu sirf ik baar aazma le..jo haar jaon tu laut jana jo jeet jaon tu maan jana
—
dewangi se kam na thi kuch apni justujoo… hum bewafa shehar mein wafa dhondte rahe
mehro0miyon k daur mein kin hasraton k sath..hum patharo0n k dil mein KHUDa dhondte rahe
—-
teri mushkil na barhaongi chali jaongi …ashq ankhon mein chupaongi chali jaongi
apni dehleez pe kuch der para rehne de..jese hi h0sh mein aaongi chali jaongi
us mehallaat se kuch nai lena mujhko..bas tumhe dekhne aaongi chali jaongi
chand yaadein mujhe bachon ki tarah pyari hein..
—-
mere har amal ko nazar mein rakh meri chahto0 ko sila na de…mein chirag e akhri shab sahi mujhe berukhi ki hawa na de
mujhe dushmano se gila nahi sila dosto0n se mila nahi …mujhe jitna jeena tha jee chuka mujhe zindagi ki dua na de
ye talash ka bewafa safar mujhe tumse do0or tha le gaya ..mein palat k aaonga yaad rakh tera shehar mujhko bhula na de
mein bhala nai tu bura sahi tujhe mujse koi gila sahi..tera baat baat per rothna nayi raah mujhko dikha na de
—-
usay apne farda ki fiker thi jo mera waqif e haal tha …wo jo uski subah e urooj thi wohi mera waqt e zawal tha
kaha jaogay mujhe chor ker mein poch poch ker thak gayi..wo jawab mujhko na de saka wo tu khud sarapa sawal tha
meri baat kaise wo maanta mera dard kaise wo janta ..wo tu khud fana k safar mein tha usay rokna bhi muhaal tha
wo lauta tu sadiyon baad bhi mere lab pe koi gila na tha…usay chup ne meri rula dia jise guftugo0o mein kamal tha
—-
mujse mukhlis na waqif mere jazbat se tha ….uska rishta tu faqat mere mufadaat se tha
ab jo bichra hai tu kyu royen judai pe uski…ye andesha tu humko pehli mulaqat se tha
—
aap jaha bhi rahen aap hamare tu hein …khuwab adhore sahi khuwab sahare tu hein
aaj bhi meri rahein rokti hein ..yaadein teri daman khenchti hein
bhool chuke hein jo hamein yaad aate tu hein
jane phr kab milein tere mere raaste…aas to0ote nai yaad itna rahe
raat dhalni tu hai anso0o thamne tu hein
—
abhi lutf e visal pori tarah paaya na meine tha …aazab e hijer kehta tha k nazil h0gaya hon mein
—
pee jaa aiyam ki talkhiyon ko tu hans ker nasir … ghum k sehnay mein bhi qudrat ne maza rakha hai
—
agar khush hai wo dekh ker ansoon meri ankho mein… tu kasam se hum muskurana chor deinge
tarapte raheingay usay dekhne ko lekin …. uski taraf palkein uthana chor dein gay
—-
din raat maah o saal se agay nai gaye … hum tu tere khayal se agay nai gaye
logo ne naya r0z hi manga KHUda se kuch..ik hum hein k apke sawal se agay nai gaye
—-
to0ot gaye hum per sazish na kersake … aise to0ote k simatne ki khuwaish na kersake
wo shaks maan jata hamein iska ranj hai..bar e bigar mein unse guzarish na kersake
—-
batao0o kia likhon tumko??..mujhe tamheed do koi
mujhe umeed do koi…naya ik lafz ho koi
jahan se baat chal nikle…meri mushhkil ka hal nikle
batao lehja kaisa ho…k tumse baat kerni hai
mujhe th0ra ujala do ..basar ik raat kerni hai
tum apni roshan ankho ko ..agar kholo tu mein likhon
kaho ab kia irada hai ..mujhe izhaar kerna hai…
—-
tum ho tu sab hi silsile ache lagte hein ..mujhe tumhari muhabbat k gile ache lagte hein
bohot do0or tak jana magar laut aana ..mujhe tumse tum hi tak faasle ache lagte hein
—
musafir ke raste badalte rahe ..mukaddar mein chalna tha chalte rahe
koi phool sa haath kandhe pe tha ..mere paon sholon pe chalte rahe
mere raste mein ujala raha … diye uski ankhon mein jalte rahe
wo kya tha jise humne thukra diya…magar umar bhar hath malte rahe
muhabbat,adawat,wafa,berukhi…kiraye k ghr they badalte rahe
suna hai unhe bhi hawa lag gayi..hawaon k jo rukh badalte rahe
lipat ke chiragon se wo sogaye..jo pholon pe karwat badalte rahe
—-
mein zindagi ke raste mein chup chap bikhar jata .. agar ik r0z bhi apni tanhai se dar jata
kal saamne manzil thi aur peche uski awaaz…rukta tu safar jata chalta tu bichar jata
—-
suna tha humne logo se muhabbat chez aisi hai..chupaye chup nai sakti ye ankho mein chamakti hai
ye chehro0n per damakti hai ye lehjon mein jhalati hai..dilo0n tak ko ghulati hai lahu endhan banati hai
agar sach hai tu phr akhir hamein us zaat e haq se ye bhala kaisi muhabbat hai
na ankho se jhalati hai na lehjon mein sulagti hai..dilo0n ko aazmati hai na raton ko rulati hai
na ye majnoo banati hai ajab aisi muhabbat hai …tu ye kaisi muhabbat hai??
—-
wo kitne imtehaan se thukra gaya mujhe …ansoo bana ke ankh se tapka gaya mujhe
kesi rahbari thi ye kaisa faraib tha ..manzil dikha ke raah se bhatka gaya mujhe
khamosh nigahon se kahani suna gaya…lafzon ke hair phair mein atka gaya mujhe
mujhko bhi bachpane ka ik mazak samajh ker..choti si ik hansi mein ura gaya mujhe
do din mein uske dil se muhabbat utar gayi..aur do hi din mein yaad se mita gaya mujhe
—-
ik umar hai k hamein bitaani hai abhi … ik lamha hai k humse guzaara nahi jata
—
usne kaha tum mein pehli si baat nahi …meine kaha zindagi mein tera saath nai
usne kaha ab bhi kisi ki ankho mein do0b jate ho…meine kaha ab kisi ankh mein wo gehrayi nai
usne kaha kyu itna to0ot ker chaha mujhe…meine kaha insaan ho0n pathar tu nahi
usne kaha kia mein bewafa ho0on…meine kaha mujhe ab wafa ki talaash nahi
usne kaha bhool jaogay mujhko…meine kaha tum haqeeqat ho koi khuwab nahi
na kerta shikayat zamane se koi..agar maan jata manane se koi
kisi ko kyun yaad kerta koi ..agar bho0l jata bhulane se koi
—
suno kisi ne sach kaha tha ye
muhabbat mar nai sakti
magar adh0ora sach suna humne
mukammal sach tu ye hai ke
muhabbat khud nai marti
MUHABBAT MAAR DETI HAI…!!!
—
kabhi shaam kabhi anchal ka kinara dena … mein agar do0b k ubhro0n tu sahara dena
teri ulfat mein mukammal ho0n har pehlu se..mujhe dard bhi dena tu saara dena
mein tujhe ghum ke samandar mein kinara dongi..tu mujhe hijer k toofan mein sitara dena
mein teri yaad k sehra mein kahi rehti hon..kabhi aana tu halka sa ishaara dena
—
agar kabhi kitaab likho tu…
chahato0n k naam likhna
rafaqato0n k naam likhna
tumhari mujse dosti ki wo pehli baat likhna
payaam likhna wo dosti ke
qabooliyat ke makaam likhna
wo hijer raato0n ki baat likhna
wo wasl din ki mulaqaat likhna
ikhtatam e kitab aaye tu yaad kerna
aur apna mera naam likhna
—
tum ne kia na yaad kabhi bhool ker hamein ….. hum ne tumhari yaad mein sab kuch bhula diya
—-
ranjish bhi nai thi koi shikwa bhi nai tha .. hum usko bhoolte magar aisa bhi nai tha
kab humne duayon mein kia usko faramoosh…jo dil ke kareeb tha magar apna bhi nai tha
—-
wo hazaar dushman e jaan sahi mujhe jaan se bhi ziada azeez hai
jise choo gayi teri khaak e paa wo bura bhi hai tu bura nai
————————–
mumkin jo agar hota hum tum ko bhula dete … yaadoon ko kafan deker be waqt sula dete
tanhai mein jee lete tum ko na sada dete… is dil se tere dil tak dewaar utha dete
————————–
uske nazdeek ghum e tark e wafa kuch bhi nahi … mutmaeen aise hai jaise hua kuch bhi nahi
ab tu hathoon ki lakeerain bhi mitti jati hein… usko kho ke mere pass raha kuch bhi nahi
mein tu isliye chup hoon ke tamasha na bane… wo samajhta hai ke mujhe usse gila kuch bhi nai
————————–
apna hissa shumaar kerta tha … mujhse wo itna pyar kerta tha
wo banata tha meri tasveerein…phir unse baatein hazar kerta tha
mera dukh bhi khaloos e niyat se..apne dukhon mein shumar kerta tha
sach samajhta tha jhot bhi mera…yun wo mera aitbaar kerta tha
ab guzar jata hai begana sa ban ker…jo pehron mera intezar kerta tha
————————–
kash is saal koi pal tu aisa ho … jo uska mera ho
jis mein koi teesra na ho
jab hum aik dosre ki chahat mein doob jayen
tab kisi ki bhi is mein mudakhlat na ho
hum der tak ik dosre se baatein kerein
aur in baatoon ko sunne wala koi na ho
bas mein aur wo hoon
jab kisi choti si baat pe hum be tahasha huns parein
hanste hanste ankhon se ansoo nikal parein
per in ansoyon ko dekhne wala koi na ho
kash is saal koi pal tu aisa ho … jo uska mera ho
————————–
zakhm muskurate hein ab bhi uski aahat per … dard bhool jate hein ab bhi uski aahat per
shabnami sitaron mein phool khilne lagte hein..chand muskurata hai ab bhi uski aahat per
ab bhi uski aahat per aas laut aati hai ..hum diye jalate hein ab bhi uski aahat per
uski yaad aaye tu neend jati rehti hai … khuwab toot jate hein ab bhi uski aahat per
————————–
humne dil hi tor daala dharkanon ke khauf se
apni basti mita di barishon ke khauf se
kaun kehta hai hamein raas aagayi zindagi
woh tu yunhi hans rahe hein ansoyon k khauf se
—————————
ho raat akeli pichle pehar aur chand gagan mein aajaye
tum chand ki manind tanha ho ye bat tumhe tarpa jaye
kuch khuwab saja ker palkoon per tum chand se baatein kerlena
hum yaad tumhi ko kerte hein tum yaad hamein bhi kerlena
kuch baat na ho jab aise hi num ankh tumhari hojaye
tum baat kahi pe kerte ho dil aur kahi pe kho jaye
jazbaat ke aise aalam mein muskaan laboon pe bhar lena
hum yaad tumhi ko kerte hein tum yaad hamein bhi kerlena
—————————–
rait par likh ke meraa naam mitayaa na karo
aankhen sach boltee hain pyaar chupayaa na karo
log har baat kaa afsaana banaa lete hain
sab ko halaat kee rudaad sunaayaa na karo
ye zaruri nahin har shakhs maseehaa hi ho
pyaar ke zakhm amaanat hain dikhaya na karo
shehr-e-ehasaas main patthrao bohot hain Mohsin
dil ko sheeshe ke jharokon main sajaya na karo
—————————–
Yehi Wafaa Ka Sila Hai Tou Koi Baat Nahin
Yeh Derd Tum Nay Dia Hai Tou Koi Baat Nahin
Yehi Bohat Hai K Tum Dekhtay Ho Sahil Say
Safeena Doob Raha Hai Tou Koi Baat Nahin
Rakha Tha Aashiyana-e-Dil Main Chupa Kay Tumko
Woh Ghar Tum Nay Chor Dia Hai Tou Koi Baat Nahin
Tum He Nay Aayena-e-Dil Mera Banaya Tha
Tum He Nay Tor Dia Hai Tou Koi Baat Nahin
Kissay Majaal, Kahay Koi Mujh Ko Deewana
Agar Yeh Tumnay Kaha Hai Tou Koi Baat Nahin ..!!
——————————
Manzilen bhi us ki thein, raasta bhi us ka tha
Ek main akela, aur qaafla bhi us ka tha
Saath saath chalne ki soch bhi usi ki thi
Phir raasta badalne ka faisla bhi us ka tha
Aj akela hoon to dil ye sawaal karta hai
Log to ushi k thay, kya KHUDA bhi us ka tha..!?!
——————————
ana parast hai itna k har baat se pehle
woh uth ke band meri har kitaab kerdega
——————————
ik naam kia likha tera saahil ki rait per
phr umar bhar hawa se meri dushmani rahi
——————————
mohsin lagi na chout tujhe phr khuloos mein
meine kaha na tha k mere yaar sochna
——————————
talluq to0ot jayega mera saare zamane se
mere apne khafa honge tumhe apna banane se
tumhare saath rehne se mujhe taskeen milti hai
bohot takleef hoti hai tumhare door jane se
mere ghar ko jala dena magar ye zehen mein rakhna
ujala mil nai sakta kisi ka ghar jalane se
humari jaan jayegi tu phr tum jaan jao gay
k hasil kuch nai hota kisi ko aazmaane se
tumhara naam kaise mita do0n apni kahani se
bohot gehra talluq hai tera mere fasane se
——————————
zara tham tham ke barsa ker abhi itna na rotha ker
abhi tu do0or hai manzil abhi khud ko na tanha ker
teri ankhein samandar hein,samandar ko na sehra ker
mera dil doob jata hai mujhe aise na dekha ker
hawa mujhse kahe pagal na yun raston mein betha ker
wo ik din chor jayega usay itna na chaha ker
——————————
Fun2shh